Ligjvënësit në Asamblenë Kombëtare të Francës kanë dhënë mbështetjen e tyre unanime për një ligj të ri që ndalon të ashtuquajturën “terapia e konvertimit të homoseksualëve”, duke votuar 142-0.

Ligji i ri,  ndalon përpjekjet për të ” konvertuar ” personat LGBTQ në heteroseksualitet ose role tradicionale gjinore. Ai gjithashtu u jep autoriteteve të drejtën për të kërkuar padi penale kundër praktikuesve të terapisë së konvertimit.

Ata që thyejnë ligjin, do të dënohen me deri në dy vjet burgim dhe 30,000 €  gjobë.

Dënimet mund të rriten në tre vjet burgim dhe gjoba prej 45,000 €  kur viktima është një i mitur ose një anëtar tjetër i cenueshëm i shoqërisë.

Sipas legjislacionit të ri, aktivistët tani do të jenë në gjendje të ngrenë padi civile në emër të viktimave të terapisë së konvertimit. Masa u përshëndet në parlament si një masë jetike për të mbrojtur ata që hezitojnë ose nuk janë në gjendje të lajmërojnë vetë policinë.

Ligjvënësia Laurence Vanceunebrock-Mialon, e cila luajti një rol kyç në miratimin e ligjit, pretendoi se ligji do të denojë  “të gjithë ata që barazojnë  lirinë e identitet ose një orientim seksual si sëmundje”. 

“Nuk ka asgjë për të kuruar,”  shtoi ajo, duke folur me kolegët ligjvënës.

Ligji do të hyjë në fuqi në dy javët e ardhshme, me pëlqimin e Presidentit Emmanuel Macron. Udhëheqësi francez përshëndeti miratimin e projektligjit, duke postuar në Twitter:  “Sepse të jesh vetvetja nuk është krim”.