Nga fundi i vitit të kaluar, kompania e teknologjisë Dsruptive Subdermals njoftoi një mikroçip të instaluar nën lëkurë që mund të skanohet për të zbuluar statusin e vaksinimit kundër Covid.

Teknologjia u kritikua, nga shumë që e quajtën atë “invazive”.

Teknologjia është një implant i para-programuar dhe i skanueshëm me madhësinë e një kokrre orizi. Ai ruan informacionin e vaksinimit, duke shfaqur pasaportën e vaksinës së një personi për Covid-19 kur skanohet.

Hannes Sjobald, drejtor menaxhues i kompanisë, tha: “Kjo teknologji ekziston dhe do përdoret pavarësisht nëse na pëlqen apo jo.

“Jam i lumtur që është sjellë në bisedë publike.

“Teknologjitë e reja duhet të debatohen dhe të kuptohen gjerësisht.

“Implantet inteligjente janë një teknologji e fuqishme shëndetësore.

“Kjo është ajo që ne po ndërtojmë në Dsruptive dhe qëllimi ynë është të transformojmë kujdesin shëndetësor në një shkallë globale.”

Sjobald tha se teknologjia i bën pasaportat e vaksinës më “të arritshme”.

“Për shembull, nëse shkoj në kinema ose shkoj në një qendër tregtare, atëherë njerëzit do të jenë në gjendje të kontrollojnë statusin tim edhe nëse nuk e kam telefonin me vete.”